Здружението за развој на ромската заедница „Сумнал“ и Oпштина Битола започнуваат да го реализираат проектот „Со зајакнати вештини до вработување на младите Ромки“.
Целта на проектот е младите Ромки да се вклучат во современите општествени трендови и текови и да дадат свој придонес кон развојот на современото македонско општество.
Главна цел на проектот е преку имплементација на различни работилници, жените Ромки да ги зајакнат своите способности и знаење за решавање на проблемот на младинска невработеност, односно создавање кооперативна, инспиративна и поддржувачка социјална и деловна клима и обезбедување квалитетни активности, коишто ќе им овозможат развивање на компетенции и потикнување на индвидуалниот кариерен развој.
Меѓусебната соработка преку учеството во проектот ќе генерира нови пријателства и соработка кои ќе се рефлектираат на зајакнување на мултиетничкото општество во Република Северна Македонија и меѓусебната соработка.
Посетата на обуките за зајакнување на нивните капацитетите ќе придонесе учениците да се вклучат во општествените трендови да ги развијат своите капацитети кон иновативност и претприемништво и воедно ќе се стекнат со поголема самодоверба и ќе им се отворат нови можности, перспективи и знаења за интервју за барање на работа, а со тоа во иднина да станат и поконкурентни на пазарот на трудот.