Здружението за развој на ромската заедница „Сумнал“ објавува
Повик за тренери и ментори: Иницијатива „Претприемништво за сите“
Возбудени сме што можеме да објавиме можност да се приклучите на иницијативата „Претприемништво за сите“, чија цел е да изгради претприемачки дух кај младите со помали можности и да се поттикнат да се воспостават сопствен бизнис во соработка со бизнис секторот во Пелагонискиот регион преку нивно зајакнување со сеопфатни програми за обука и менторство.
Бараме 5 тренери и 10 ментори кои ќе придонесат за успехот на оваа иницијатива.
Едно исто лице може да аплицира за двете позиции.
Надоместокот за ангажманот е:
– за тренерот вкупно 44.680,00 денари бруто по обука;
– за менторот вкупно 46.110,00 бруто за спроведените менторски активности по ментор.
Тренери
Број на позиции: 5
Должности:
- развивање сеопфатна програма за 5 обуки, секој со 2 модули и тоа:
- спроведување на овие обуката за вкупно 50 учесници, поделени во 2 групи од по 25 учесници на возраст од 15 до 29 години кои ќе бидат избрани од страна на Сумнал. Учесниците ќе имаат основни вештини за читање, пишување и пресметување за ефикасно разбирање и вклучување во обуките како и интерес за претприемништвото. Избраните учесници ќе бидат млади припадници на Ромската заедница и млади со помали можности од Пелагонискиот регион (од населените места Битола, Прилеп, Крушево, Ресен, Демир Хисар, Новаци и Могила). По завршувањето на обуките се очекува учесниците да имаат развиено знаења и вештини во однос на: претприемачки начин на размислување, деловни и практични вештини поврзани со водење на бизнис и личен развој, разбирање на правната и регулаторната рамка, заедницата и социјалното влијание, пристап до менторирање и ресурси.
- обуките да бидат спроведени од август до ноември 2024 година во Битола со тоа што за секоја обука 1 тренер ќе биде ангажиран 4 дена ( 1 ден за припрема на тренингот, 2 дена за спроведување на обуката со двете групи и 1 ден за подготвување на извештај од спроведената обука). Логистиката ќе биде организирана од страна на Сумнал.
Критериуми:
- Завршено високо образование од областа на претприемништвото, бизнис администрација, економија или сродна област, сертификати од завршени обуки за претприемништво, бизнис коучинг или сродни области.
- Минимум 3-5 години искуство во претприемништво, развој на бизнис или сродни области.
- Силно разбирање на концептите за претприемништво, деловно планирање и финансиска писменост.
- Минимум 2-3 години искуство во креирање и спроведување на обуки, работилници или едукативни програми.
- Минимум 2-3 години искуство во работа со млади.
- Познавање со специфичните предизвици со кои се соочуваат младите и ромската заедница во Пелагонискиот регион.
- Одлични комуникациски и организациски вештини (усно и писмено).
- Способност да се ангажираат, инспирираат и мотивираат учесниците.
- Чувствителност на културните разлики и инклузивен пристап кон обуката.
- Способност да се приспособат методите за обука за да одговараат на различни стилови и потреби на учење.
- Лични атрибути: страст, посветеност, трпение и емпатија.
Ментори
Број на позиции: 10
Должности:
- организирање активности за менторство за групи од 5 учесници со состаноци најмалку двапати месечно во Битола и онлајн;
- обезбедување групна и индивидуална поддршка прилагодена на интересите на учесниците во различни области, вклучувајќи:
– наоѓање вработување,
– пребарување достапни отворени позиции,
– развивање на бизнис план,
– аплицирање за грантови за започнување бизнис во Агенцијата за вработување,
– развивање на CV,
– подготовка за интервју,
– развивање на комуникациски вештини,
– градење мотивација за наоѓање вработување.
- Менторските активности ќе се спроведуваат од декември 2024 до мај 2025 година со вкупно времетраење од 10 дена по ментор.
Критериуми:
- Завршено образование по бизнис администрација, економија, човечки ресурси, претприемништво или сродна област.
- Минимум 3-5 години искуство во бизнис, претприемништво, човечки ресурси или поврзана област.
- Најмалку 2 години искуство во менторство, коучинг или обука на поединци или групи, особено млади или поединци од маргинализирани заедници.
- Длабоко разбирање на локалниот и националниот пазар на труд, трендовите на вработување и предизвиците со кои се соочуваат младите баратели на работа.
- Силни интерперсонални и комуникациски вештини за вклучување со младите луѓе.
- Способност за вмрежување преку воспоставена мрежа со локални бизниси, агенции за вработување и тела за финансирање.
- Подготвеност да се посветат најмалку двапати месечно во активности за менторство во периодот од декември 2024 до мај 2025 година со физичко присуство во Битола или онлајн.
- Спроведување проверки на позадината за да се обезбеди безбедност и благосостојба на учесниците.
Процес на аплицирање
Ако имате интерес да придонесете за позитивни промени и ги исполнувате горенаведените критериуми, ве охрабруваме да аплицирате. Ве молиме испратете ја вашата биографија заедно со мотивационо писмо во кое детално е опишано вашето релевантно искуство и вашата визија за придонес во иницијативата „Претприемништво за сите“. Апликантите кои ќе аплицираат за позицијата „тренер“ заедно со биографијата и мотивационото писмо да достават и краток предлог концепт за предавањата.
Краен рок за аплицирање: 22.7.2024 година.
Поднесете апликации на нашиот мејл sumnalb@yahoo.com
Придружете ни се во негување на културата на претприемништво и зајакнување на следната генерација да ги постигне своите цели во кариерата!
Оваа иницијатива е поддржана од Американскиот народ преку Агенцијата на САД за меѓународен развој (УСАИД), организирана од „Здружение за развој на ромската заедница СУМНАЛ“ во рамки на Активноста на УСАИД за млади кои активно создаваат можности, имплементирана од организацијата Унапредување на економиите за посилни заедници, во партнерство со Младински образовен форум (МОФ) и Центарот за претприемачи и развој на менаџери (CEED Hub) Скопје.
Мислењата изразени на оваа веб страница им припаѓаат на авторите/„СУМНАЛ“ и не ги изразуваат ставовите на УСАИД или на Владата на Соединетите Американски Држави (САД).