Од мај 2022 година, „Сумнал“ започна нов проект „Уметност и креативност“ во склоп на клучната акција – мали партнерства за млади од Еразмус + програмата.
Целите на проектот се:
- учесниците да бидат покреативни и да научат нови уметнички техники што ќе им помогнат да ја развиваат нивната имагинација;
- учесниците да бидат повеќе активни, да ја подобрат својата самодоверба и да бидат поспособни за решавање на проблеми;
- младинските работници да бидат способни да развијат нови и корисни алатки за да ги мотивираат младите со кои работат, како и останатите од заедницата;
- младите учесници и младинските работници да можат да доживеат интернационално искуство.
Со проектот се предвидени три транснационални состаноци:
- Воведен состанок во Шпанија
- Состанок за среднорочна евалуација (онлајн) и
- Завршен состанок во Северна Македонија.
Во склоп на проектот ќе се одржат и 4 тренинзи за младински работници. Секој тренинг ќе ги оспособи учесниците да користат нови алатки преку различни уметнички техники и тоа:
- Музика и танци во Полска
- Графити и улична уметност во Италија
- Цртање на стакло и линолеум во Северна Македонија
- Мозаик во Шпанија.
По одржувањето на секој тренинг, младинските работници ќе организираат работилници со млади од своите локални заедници со цел да ги применат новостекнатите вештини и знаења. Исто така, ќе се создадат и видео туторијали со секоја уметничка техника.
На крајот, ќе се реализира младинска мобилност во Романија на која учесници ќе бидат млади од изведените локални активности и младинските работници кои беа дел од тренинзите.
Координатор на проектот е организацијата „Екокомпартимос“ од Шпанија, а партнери „Сумнал“ од Северна Македонија, „Уметност и социјална култура“ од Италија, „Гринтин“ од Романија и „Естека“ од Полска.
Воведниот состанок се одржа на 5 и 6 мај 2022 година во Мадрид, Шпанија. За време на состанокот се дискутираше за потпишување на партнерскиот договор, спроведување на активностите, конкретно определување на временските рамки, прокетната документација, како и дизајн на логото и постерот за проектот. „Сумнал“ учествуваше на состанокот онлајн со тоа што наша задача беше да го дизаjнираме логото и постерот за проектот.
Следна активност е тренингот за младински работници во Полска.