Ликовниот конкурс „Гласот на боите“, реализиран од Здружението за развој на ромската заедница „Сумнал“, во соработка со Asociación Cultural Hispano-Macedonia „SONCE“ и Општина Битола, се одржа како дел од солидарниот проект „Мостови на пријателство“. Основната цел на овој проект е поттикнување на соживот, толеранција и меѓусебно почитување помеѓу различните заедници.
Во рамките на конкурсот, младите учесници преку уметноста ја изразија својата визија за заедништво, разбирање и прифаќање. Нивните дела претставуваат силни пораки кои сведочат за креативноста и ангажираноста на младите во градењето на поинклузивно општество.
Сите избрани цртежи беа изложени во Мадрид, Шпанија, каде што ја пренесоа својата порака до меѓународна публика, претставувајќи ја силата на уметноста како средство за комуникација и поврзување.
Изразуваме искрена благодарност до сите учесници за нивните инспиративни дела и значајниот придонес кон оваа иницијатива.
Проектот „Мостови на пријателство“ уште еднаш покажа дека иднината се гради преку дијалог, соработка и вистински средби. Кога младите се поврзуваат, заедницата станува посилна.
Видео и каталог
Во прилог можете да го погледнете видеото од изложбата, како и каталогот со сите цртежи: