Со огромна чест и гордост ја споделуваме веста дека нашата претседателка, Фатма Бајрам Аземовска, ја освои престижната награда „Жена со најголеми достигнувања за општеството“ за 2024 година!
Ова признание ја одразува нејзината неуморна посветеност, иновативен пристап и непроценлив придонес во унапредувањето на правата на ромската заедница, зајакнувањето на младите и промоцијата на еднаквоста и инклузијата. Преку нејзиното лидерство, Сумнал реализираше бројни проекти кои позитивно влијаат на локалната заедница и инспирираат општествени промени.
Оваа награда е уште еден потсетник за важноста на заедничката работа, солидарноста и вербата дека можеме да направиме подобро општество за сите.
И честитаме на Фатма за ова исклучително признание и сме благодарни што имаме лидер како неа кој го инспирира и води Сумнал кон уште поголеми успеси!